मृगौलापीडित ओसनाको उपचारमा आर्थिक अभाव
५ भदौ, पोखरा । २७ वर्षिया ओसना विकमा विगत दुुई महिनादेखि दुवै मृगौलामा समस्या देखिएपछि सहयोगको याचना गरेकी छिन् ।
म्याग्दीको धवलागिरी गाउँ पालिका–२, लुलाङ स्थायी घर भई हाल पोखरा–२५, हेमजामा भाडामा बस्दै आएकी विकलाई माओवादीको पोखरा महानगर कमिटी र वडा कमिटीबाट संकलित रकम हस्तान्तरण गरिएको छ ।
धौलागिरी कास्की दलित सम्पर्क समाजको वार्षिक साधारण सभाका अवसरमा सविधान सभा सदस्य दुर्गाकुमारी विकको उपस्थितिमा वडा कमिटीका अध्यक्ष महादेव अधिकारीले नगद छ हजार रुपैयाँ पीडित ओसना विकलाई हस्तान्तरण गरका हुन् ।
दैनिक मजदुरी गरेर जीविकोपार्जन गर्दै आएको उनको परिवारमा थप उपचार गर्न सक्ने अवस्थामा नभएकाले सहयोग गरिदिनका लागि सम्पर्क समाजले आग्रह गरेको छ ।
पोखराको मणिपाल र काठमाडौंको नेशनल किड्नी अस्पतालमा उपचार गराउँदा चल अचल सम्पत्ति सकिएको र थप उपचारमा रकम अभावले पीडित परिवार थप पीडित बनेको आफन्त डिलसरा नेपालीले बताइन् ।
सहयोगको अपेक्षासहित पीडितका नाममा प्रभु बैंकमा ०१३०२३३३७२६०००१७ नम्बरको खाता सञ्चालन गरिएकाले पीडितलाई सहयोगको गरी जीवन बचाइदिन गाउँपालिकालेसमेत आग्रह गरेको छ ।