वर्डप्रेस १५औं वर्षमा प्रवेश, पोखरामा मनाइयो वर्डप्रेसको भव्य वार्षिकोत्सव (फिचर सहित)

वेवसाइट बनाउन प्रयोग गरिने निशुल्क रुपमा पाइने सफ्टवेयर वर्डप्रेस शुरु भएको आज १५ वर्ष पूरा भएको छ । विश्वभर आज वर्डप्रेसको वार्षिकोत्सव विविध कार्यक्रमहरुका साथ मनाइएको छ ।

नेपालको पनि काठमाण्डौं, पोखरा तथा विराटनगरमा कार्यक्रम गरिएको छ । सो अवसरमा वर्डप्रेस पोखराले एक विशेष समारोहको आयोजना गरि वर्डप्रेसको १५औं वार्षिकोत्सव पोखरामा भव्यताका साथ मनाएको छ । वर्डप्रेस पोखरामा आवद्ध महिला सदस्यहरुद्धारा संयुक्त रुपमा केक काटेर कार्यक्रम शुभारम्भ गरिएको थियो ।

कार्यक्रममा वर्डप्रेस पोखराका पितमबहादुर सेनले वर्डप्रेसको वार्षिकोत्सव पोखरामा पहिलो पटक मनाउन पाएको खुसी व्यक्त गर्नुभयो । वर्डप्रेस पोखराले आगामी नोभेम्बर २४ मा पोखरा पहिलो पटक नै वर्डक्याम्प पोखरा २०१८ आयोजना गर्न लागिएको जानकारी गराउदै वर्डप्रेसमा करियर बनाउन चाहने र वर्डप्रेसमा काम गरिरहेकाहरुका लागि वर्डक्याम्प निकै लाभदायक हुने बताउनुभयो । उक्त कार्यक्रमको संचालन वर्डप्रेस पोखराका सिर्जना थापाले सञ्चालन गर्नुभएको थियो ।

तस्विरहरु: सञ्जय चन्द/नौलोखबर डटकम